Qostanaı oblysynda úsh jasar qyz traktordyń dóńgelegindegi sýǵa batyp ketken
QOSTANAI. QazAqparat - Qaıǵyly oqıǵa Qostanaı oblysy Osınovka aýylynda boldy, dep habarlady oblystyq TJD-ǵa silteme jasap «QazAqparat» HAA tilshisi.
2014 jylǵy 14 mamyrda týǵan qyz bala baqsha sýarý úshin sý toltyrylǵan «K-700» traktorynyń dóńgeleginen tabyldy. Vedomstvonyń baspasóz qyzmeti naqtylaǵandaı, qaıǵyly jaǵdaı balany qaraýsyz qaldyrǵan ata-anasynyń abaısyzdyǵynan bolǵan.
TJD qyzmetkerleri qaıǵyly jaǵdaı ózen men kólderde ǵana emes, sonymen birge jasandy sý qoımalarynda, sý quıylǵan kólemdi ydystarda da bolatynyn eskertedi. Vedomstvonyń derekterine sáıkes, 2016 jylǵy shomylý maýsymynda sý qoımalarynda 21 adam qaza tapty, onyń 4-eýi - bala. Bıyl oblys aýmaǵynda qaıǵyly oqıǵadan 3 jáne 15 jastaǵy eki bala qaza tapqan.
