Qostanaı oblysynda úsh shaǵyn aýdan boı kóteredi

QOSTANAI. QazAqparat – Táýelsizdik kúni qarsańynda Qostanaı qalasyndaǵy ıÝbıleınyı shaǵyn aýdanynda 66 otbasyǵa páter kilti tapsyryldy, dep habarlaıdy QazAqparat.

Baspana ıelerin oblys ákimi Arhımed Muhambetov quttyqtaı keldi. Onyń aıtýynsha, Elbasynyń tapsyrmasymen bastaý alǵan «Baqytty otbasy» baǵdarlamasy arqyly jyl basynan beri 82 kópbalaly otbasy páter kiltine ıe boldy.

«Bul úıdiń qurylysyna bıýdjetten 526 mln 400 myń teńge jumsaldy. Úıdiń kólemi – 4116 sharshy metr. Merdiger «Syl» kompanııasy turǵyn úıdiń qurylysyn sapaly júrgizgen. Jalpy osy jyldyń qorytyndysy boıynsha osy baǵdarlama aıasynda 330 myń sharshy metr turǵyn úıdi paıdalanýǵa tapsyrýdy josparlap otyrmyz. Ótken jylmen salystyrǵanda ol 10 paıyzǵa joǵary. Aldaǵy ýaqytta «Qonaı» móltek aýdanynda turǵyn úı qurylystary bastalady. Ol jerde 30 kóp qabatty úı salynady. Sonymen qatar «Bereke» shaǵyn aýdanynda 72 kóp qabatty úı paıdalanýǵa beriledi. Qostanaı oblysynda 12,5 myń turǵyn baspanaǵa muqtaj. Demek, aldaǵy eki-úsh jylda josparlanǵan qurylys kóp, turǵyndar máselesi keshendi túrde sheshiledi. Eń bastysy turǵyn úıdiń qunyn sol qalpynda ustap turýǵa tyrysamyz», – dedi oblys ákimi.

Sonymen qatar aldaǵy ýaqytta Tobyl ózeniniń jaǵasynda «Nur álem», «Astana», «Báıterek» sııaqty jańa shaǵyn aýdandar paıda bolady. Munyń syrtynda kóptegen áleýmettik nysandar da qolǵa alynbaq.