Qostanaı oblysynda úsh adam ıis tıip ýlandy
QOSTANAI. QazAqparat - Qostanaı oblysynda ekiqabatty jeke úılerdiń birinde peshten aqaý bilinip, 3 adam ýlanyp qaldy, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa Áýlıekól aýdanynyń Amanqaraǵaı aýdanynda bolǵan.
«Ekiqabatty úıdegi jylytý peshtinen aqaý shyǵyp, murjasy bitelip qalǵan. Saldarynan 50 jastaǵy áıel men 16 jáne 12 jasar eki nemeresine ıis tıip, ýlandy. Olar birden aýrýhanaǵa jetkizildi», - delingen vedomstvonyń baspasóz habarlamasynda.
Buǵan deıin oblystyq TJD jylytý peshterin paıdalaný erejelerin jarııalaǵan bolatyn.
«Úı-jaılardy jylytý úshin elektr jylytý quraldary paıdalanylady. Sonyń ishinde qoldan jasalǵan peshter únemi qaýipsiz emes. Symdardyń oqshaýlamasy tutanýy ábden múmkin. Sondyqtan elektr jylytqyshty paıdalaný kezinde barynsha saq bolý kerek. Arnaıy zaýyttardan shyqqan peshterdi qoldaný usynylady. Úıden shyǵar kezde olardy sóndirip otyrǵan durys»,- dep eskertedi mamandar.
