Qostanaı oblysynda urylar úıir jylqyny kelesi jerge aıdap jetkizý úshin adam jaldaǵan

QOSTANAI. QazAqparat – Qostanaı oblysy PD Krımınaldyq polıtsııasy Áýlıekól jáne Qarasý aýdandarynyń polıtseılerimen birigip iri jylqy urlyǵyn ashty. Ustalǵan urylardan 12 jylqy turǵyndarǵa qaıtaryp berildi, dep habarlaıdy QazAqparat tilshisi.

Vedomstvo baspasóz qyzmetiniń habarlaýynsha, 17 tamyz kúni Qarasý aýdanynyń polıtsııa bólimshesine belgisiz bir attyly adamnyń dalada bir úıir jylqyny aıdap bara jatqany týraly habar túsken.

«Polıtsııa qyzmetkerleri jedel túrde Shelǵashy aýylyna jetti. Oqıǵa ornyna kelgen polıtseıler 56 jastaǵy er adamdy ustady. Ol ózin Áýlıekól aýdanynyń Kúshmuryn aýylynan attardy Qarasý aýdanyna aıdaý úshin eki er adam jaldaǵanyn aıtyp berdi», - dedi baspasóz qyzmetinen .

Jedel ýákilder Qostanaı qalasynyń 27 jastaǵy eki turǵynyn ustady.

Jylqyny Áýlıekól aýdanyndaǵy óristen urlanǵany belgili boldy. Tapsyrys bergen jigitter urlanǵan jylqylardy satýdy josparlaǵan.

Urlanǵan jylqyny polıtseıler úsh qojaıynǵa qaıtardy. Atalmysh fakti boıynsha «Mal urlaý» babyna sáıkes sotaldy tergeý júrgizilip jatyr.

Polıtsııanyń derekterine saı, jyl basynan beri oblysta 31 mal urlyǵy tirkelgen. Aýyl turǵyndaryna 10 mln teńge kóleminde materıaldyq shyǵyn ótelgen.

Avtory Janna Musabaeva