Qostanaı oblysynda urlyq eki ese azaıdy
QOSTANAI. QazAqparat - Qostanaı oblysynda sońǵy 3 jylda bótenniń múlkin urlaý oqıǵalary 40% azaıdy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Departamenttiń kúzet qyzmetin baqylaý bólimi ókilderiniń aıtýynsha, urlyqtyń, ásirese páter tonaý faktileriniń azaıýyna kúzet uıymdarynyń qyzmetkerleri aıtarlyqtaı septigin tıgizip otyr.
«Qazirgi kezde qostanaılyqtar pýlttik kúzet qyzmetine jıi ıek arta bastaǵan. Sońǵy 3 jylda qorǵalatyn páterler, jeke kúzet uıymdarynyń qyzmetin paıdalanatyn úılerdiń sanyn 37,7% arttyrýǵa qol jetkizildi. Bul páter tonaý faktileriniń 40% qysqarýyna jaǵdaı jasady», - deıdi departament ókilderi.
Polıtseıler, budan tys, aýdan ortalyqtarynyń, kentterdiń turǵyndary da uıaly baılanys arqyly jumys isteıtin kúzet uıymdarynyń qyzmetin paıdalanýyna bolatynyn aıtady.
