Qostanaı oblysynda úlkendigi bódeneniń jumyrtqasyndaı burshaqty beınetaspaǵa túsirdi (VIDEO)
ASTANA. QazAqparat - 4 maýsymda Qostanaı oblysynda kúshti burshaq jaýdy.
Oblys turǵyny Alekseı Kýlıkovtyń aıtýynsha, aýa raıynyń tosyn minezin ol Qostanaı-Chelıabi tasjolynyń boıynda keziktirdi. Birneshe mınýttyń ishinde úlkendigi bódeneniń jumyrtqasyndaı muz burshaq joldy basyp tastady, avtojúrgizýshiler qozǵalysty toqtatýǵa májbúr boldy.
Eske sala keteıik, sınoptıkter birneshe kún boıy Qazaqstannyń ár jerinde burshaq aralas jańbyr jaýatynyn boljaǵan bolatyn.
Aıtpaqshy, 4 maýsymda Astanada da nóser jańbyr jaýdy, kommýnaldyq mekemeler qyzmetkerleri táýlik boıy kóshedegi sýdy sorǵyzýmen aınalysty.
