Qostanaı oblysynda turǵyndar óz erkimen tapsyrǵan qarý úshin 50 mıllıonnan astam teńge alady
QOSTANAI. 6 sáýir. QazAqparat - Arnaıy shara barysynda qarýlaryn ishki ister organdaryna óz erkimen tapsyrǵan adamdar Qostanaı oblysynda jalpy somasy 50 mıllıon teńgeden asatyn syıaqy alady.
Esterińizge sala keteıik, polıtseılerdiń turǵyndardan qarýdy qabyldaý boıynsha sharasy 1 aqpannan 31 naýryzǵa deıin ótkizildi. Qostanaı oblystyq ІІD baspasóz qyzmetiniń málimetterinshe, ishki ister organdaryna bul kúnderi 723 adam kelip, 975 qarý birligi men 7400 oq-dárini tapsyrdy.
Bul shara barysynda qarýdyń biregeı danalary talaı ret kezdeskeni qyzyq boldy. Osylaısha, aqpan aıynda polıtsııaǵa 82 jastaǵy qostanaılyq zeınetker Dmıtrıı Jevakın keldi. Ol 1941 jyly shyǵarylǵan «Nagan» tıpti ıir oıyqty tapanshany, ıir oıyqty myltyq pen onyń 508 oq-dárisin tapsyrdy. Myltyq ta, tapansha da atýǵa jaramdy. Bul qarýlar zeınetkerge aǵasynan muragerlikke qaldyrylǵan. Ony Tashkentten ákelipti. Bul oqıǵada syıaqy somasy 178 myń teńgeni qurady, dep habarlaıdy ІІD-niń baspasóz qyzmetinen.
