Qostanaı oblysynda turǵyn úı túgi qalmaı janyp ketti
QOSTANAI. QazAqparat - Qostanaı oblysynda janyp jatqan turǵyn úıden 2 gaz ballony shyǵaryldy, dep habarlaıdy QazAqparat tilshisi.
Aqparatty oblystyq TJD baspasóz qyzmeti rastady. Oqıǵa búgin Uzynkól aýdanynda bolǵan.
«Saǵat 04:00-de Baýman aýylyndaǵy eki qabatty jeke turǵyn úıdiń órtenip jatqany týraly habar tústi. Órt aýmaǵy 70 sharshy metrdi qurady. Turǵyn úı túgi qalmaı janyp ketti. Órt saǵat 06:30 shamasynda sóndirildi. Órt sóndirýshiler, janyp jatqan úıden 2 gaz ballonyn oqshaýlady», - dedi vedomstvonyń baspasóz hatshysy Merýert Balǵına agenttik tilshisine.
Aldyn ala boljam, órt qaýipsizdik talaptaryn saqtamaýdan shyqqan. Naqty sebepteri anyqtalyp jatyr.
