Qostanaı oblysynda turǵyn úı órtenip, zeınetker kóz jumdy

QOSTANAI. QazAqparat – Qostanaı oblysynda 1949 jyly týǵan er adam óz úıinde órtenip ketti, dep habarlaıdy QazAqparat.

Oblystyq TJD baspasóz qyzmetiniń málimetinshe, oqıǵa Áýlıekól aýdany ortalyǵynan 25 shaqyrym jerdegi Chernıgovka aýylynda bolǵan.

«18 qarasha kúni saǵat 19:09-da oqıǵa týraly kórshiler habarlady. Lenın kóshesinde eki páterli turǵyn úı janyp jatty. Saǵat 19:40-ta shaqyrý ornyna Áýlıekól aýdany 15-ÓSB 7 qyzmetkeri men arnaıy tehnıkasy keldi. 25 sharshy metr aýmaqta turǵyn bólmedegi úı zattary ıen jıhaz jandy. 15 mınýt ishinde órt sóndirildi. Órt ornynan 1949 jyly týǵan úı ıesiniń máıiti tabyldy» delingen TJD baspasóz habarlamasynda.

Turǵyn úı órti otty abaısyz qoldanýdan shyǵýy múmkin.

Qutqarýshylar aımaq turǵyndaryn pesh pen elektr quraldaryn paıdalaný erejelerin buzbaýǵa, otty paıdalanýda saq bolýǵa shaqyrady.