Qostanaı oblysynda turǵyn úı órtenip ketti
QOSTANAI. QazAqparat - Búgin Qostanaı aýdanynyń Zatobol selosynda kópqabatty úıden órt shyqty, dep habarlaıdy QazAqparat tilshisi.
Oqys oqıǵa Popovıch kóshesinde bolǵan.
«Órt 6 páterli turǵyn úılerdiń birinen shyqty. Qazirgi málimet boıynsha №3 páter janyp ketti. Oqıǵa ornyna jeke quramnyń 19 órt sóndirýshisi men 5 arnaıy tehnıkasy jumyldyryldy. Órt saǵat 08:24-te tolyqtaı sóndirildi», - dedi oblystyq TJD baspasóz hatshysy Merýert Balǵına agenttik tilshisine.
Vedomstvoda málim etilgendeı, órt kezinde eki adam zardap shekken. Olar «ystan ýlaný» dıagnozy boıynsha jergilikti aýrýhanada em alyp jatyr. Mamandar órt symdardyń qysqa tuıyqtalýynan shyqqan dep boljap otyr.
