Qostanaı oblysynda turǵyn úı órtenip, bir adam kóz jumdy
QOSTANAI. QazAqparat - Qostanaı oblysynda 37 jastaǵy er adam jaldamaly páterinde órtenip ketti, dep habarlaıdy QazAqparat oblystyq TJD baspasóz qyzmetine silteme jasap.
Qaıǵyly oqıǵa Sarykól aýdanynda bolǵan. Kórshiler ekiqabatty turǵyn úıden tútin shyǵyp jatqanyn baıqaǵan.
«Turǵyn úıdiń birinshi qabatynda 2 sharshy metr aýmaqta jıHazdar janyp ketken. Oqıǵa ornynan 37 jastaǵy er adamnyń denesi tabyldy», - dep habarlady vedomstvonyń baspasóz qyzmetinen.
Aldyn ala boljam boıynsha, órt temeki shegý kezinde otty abaısyz qoldanýdan shyqqan. 37 jastaǵy er adam bul úıdi jaldap turǵan.
Oblystyq polıtsııa departamentiniń baspasóz qyzmeti osy fakt boıynsha resmı málimet taratqan joq.
