Qostanaı oblysynda turǵyn úı órtenip, 66 jastaǵy áıel qaıtys boldy
QOSTANAI. QazAqparat – Qostanaı oblysynda turǵyn úı órti kezinde 66 jastaǵy áıel kóz jumdy, dep habarlaıdy QazAqparat oblystyq Tótenshe jaǵdaılar departamentiniń baspasóz qyzmetine silteme jasap.
Oqıǵa 25 maýsym kúni Qostanaı aýdanynyń Samır aýylynda bolǵan.
«Saǵat 21:45-te Tobyl qalasynyń órt sóndirý bólimine Shkolnaıa kóshesindegi jeke turǵyn úıdiń janyp jatqany týraly habar tústi. Órt aýqymy 65 sharshy metrdi qurady. Oqıǵa ornyna kezekshi top jumyldyryldy. Turǵyn úı órti kezinde 1954 jyly týǵan áıeldiń denesi tabyldy», delingen TJD-nyń baspasóz habarlamasynda.
Órt saǵat 23:29-da tolyǵymen sóndirildi. Qazir osy fakt boıynsha TJD mamandary oqıǵa ornynda jumys istep jatyr. Órttiń naqty sebepteri anyqtalýda.
