Qostanaı oblysynda tumaýǵa qarsy ekpe jasaý bastaldy
Búginde Reseıden 60 mln teńgege 70 myń «Grıppol» vaktsınasy ákelinip, oblystyń emdeý mekemelerine taratylyp berilgen. Medıtsına qyzmetkerlerine, «D» sanatyna tirkelgen balalarǵa, múmkindigi shekteýli azamattarǵa, zeınetkerler men memlekettik mekemelerdiń qam-qorlyǵyndaǵy adamdarǵa, sondaı-aq indet belgileri anyqtalǵan naýqastarǵa tegin ekpe jasalady.
«Aldyn ala tumaýǵa qarsy saqtyq sharalaryn qabyldap, ımmýnıtetin kótergisi keletin turǵyndar ózderi tirkeýde turǵan jergilikti emhanalarǵa barýy tıis. Oblys turǵyndary ózine qolaıly nemese turǵylyqty mekenine jaqyn ornalasqan emhanany óz qalaýy boıynsha tańdap, sol jerge qaıta tirkeýge tura alady. Ol úshin úıden shyǵýdyń qajeti joq. Elektrondy tsıfrly qoltańbany paıdalana otyryp, eGov veb-portaly arqyly qalaǵan emhanaǵa tirkelýge bolady. Turǵyndardy tirkeý kompanııasy qarasha aıynyń on besine deıin jalǵasady», – de»di densaýlyq saqtaý basqarmasynyń baspasóz hatshysy Ksenııa Jılkıbaeva.
Aıta keteıik, oblys ortalyǵynda 4 memlekettik emhana men 3 jekemenshik mekemede ekpege qarsy vaktsınatsııalaý úshin tirkeý júrgizilýde.
