Qostanaı oblysynda týǵan ákesin atyp óltirgen qyzǵa sot úkimi shyqty
QOSTANAI. QazAqparat – Qostanaı oblysynda týǵan ákesin atyp óltirgen qyzǵa qatysty sot úkimi shyqty, dep habarlaıdy QazAqparat oblystyq sottyń baspasóz qyzmetine silteme jasap.
Oqıǵa 2019 jylǵy 12 mamyrda Qamysty aýdanynyń Altynsarın aýylynda bolǵan.
«Jergilikti turǵyn P. tirkelmegen tegis uńǵyly ańshylyq qarýmen ákesi T.-ny atyp tastaǵan. Ákesi dene jaraqaty saldarynan oqıǵa ornynda kóz jumdy. Oblystyq qylmystyq ister jónindegi mamandandyrylǵan aýdanaralyq sotynyń qaýlysymen P-nyń qylmysty esi durys emes kúıde jasaǵany dáleldendi. QR QK 16-babyna sáıkes ol qylmystyq jaýapkershilikten bosatyldy» , - dedi vedomstvonyń baspasóz qyzmetindegiler.
Týǵan ákesin atyp tastaǵan qyz psıhıatrııalyq statsıonarda májbúrli emdeý sharalarynan ótedi.
Qaýly zańdy kúshine engen joq.
