Qostanaı oblysynda traktor men avtobýs soqtyǵysyp, eki adam kóz jumdy
QOSTANAI. QazAqparat – Qostanaı oblysynda avtobýs pen traktor soqtyǵysyp, birneshe adam zardap shekti, dep habarlaıdy QazAqparat.
Oblystyq polıtsııa departamenti baspasóz hatshysy Irına Bejenardiń aıtýynsha, jol apaty «Rýdnyı-Qashar» tasjolynda bolǵan.
«Jumyskerler alyp kele jatqan aýysymdyq avtobýs traktormen soqtyǵysty. Eki adam kóz jumdy, taǵy birneshe adam aýyr dene jaraqatyn aldy. Osy derek boıynsha tergep-tekserý sharalary bastaldy», - dedi I.Bejenar agenttik tilshisine.
Qazirgi ýaqytta Rýdnyı qalalyq aýrýhanasyna 20 shaqty adamnyń júgingeni belgili boldy.
