Qostanaı oblysynda traktor aýdarylyp, úsh adam mert boldy

QOSTANAI. QazAqparat – Qostanaı oblysynyń Qarasý aýdanynda traktor aýdarylyp, úsh adam kóz jumdy. Jol-kólik oqıǵasynyń mán-jaıyn oblystyń polıtsııa departamenti málim etti, dep habarlaıdy QazAqparat tilshisi.

Jol-kólik oqıǵasy Komsomolskoe aýylyna jaqyn mańda bolǵan.

«K-744» markaly traktor apatqa ushyraǵan. Traktor aýdarylyp ketken. Traktordyń kórshi aýylǵa jumysshylardy tasyǵany anyqtaldy. Kólik quralynda 4 adam bolǵan. Ókinishke qaraı úsh adam kóz jumdy, bireýi zardap shekken joq. Jol apatynyń sebep-saldary tergeý barysynda anyqtalady»,- dep habarlady oblystyń Polıtsııa departamenti.

Qarasý aýdany ákimdiginiń málimetinshe, «Astana Grand Trade» JShS qaza tapqandardyń otbasyna materıaldyq kómek kórsetken.

Oqıǵanyń tergeýi erekshe baqylaýǵa alyndy. Qazirgi ýaqytta qajetti saraptamalar taǵaıyndalǵan. Qajetti tergeý sharalary júrgizilýde.