Qostanaı oblysynda toı jasap, qudalyq ótkizetinder qatary tyıylmaı tur
Qostanaı oblysynda qatań shekteý sharalary belgilendi. Soǵan qaramastan toı jasap, otbasylyq otyrystar ótkizetinder qatary tyıylmaı tur. Tek 17 qarasha kúni merekelik jáne eske alý is-sharalaryn ótkizýdiń 5 deregi anyqtaldy.
«17 qarasha kúni Jangeldın aýdany, Aqshyǵanaq aýylynyń turǵyny óz úıine 30 adamdy shaqyryp, qudalyq ótkizdi. Rýdnyı qalasynyń monıtorıngtik toby ótken «Oktava-K» kafesinde 20 adamnyń qatysýymen eske alý túski asyn ótkizgenderdi anyqtady. Denısov aýdanynda saǵat 12.30 shamasynda jol boıynda ornalasqan «Túıe moınaq» dámhanasy kelýshilerge qyzmet kórsetken. Áýlıekól aýdanynyń Amanqaraǵaı aýylynda reıd sharalary barysynda «Vostok» azyq-túlik dúkenindegi karantın rejıminiń buzylýy tirkeldi», delingen polıtsııanyń baspasóz qyzmeti taratqan aqparatta.
Qostanaılyq polıtseıler Uzynkól aýdany, Obaǵan aýylynda júk kóligin toqtatyp, tekserdi. Kólikti Túrkistan oblysynyń turǵyny basqarǵan. Ol tıisti qujattarsyz 37 bas jylqyny tasymaldaǵan. Aýmaqtyq veterınarııa komıtetiniń qyzmetkerleri QR ÁQBtK-niń 406-baby boıynsha materıal jınady. Jalpy 17 qarashada sanıtarlyq beketterde 10418 avtokólik tekserildi, onyń ishinde 3 kóliktiń oblys shekarasyna kirýine tyıym salyndy.
