Qostanaı oblysynda tórt eldi mekendi sý basty
ASTANA. QazAqparat - Qostanaı oblysy Qarasý aýdanynda 4 eldi mekendi sý basty, dep habarlady «QazAqparat» HAA tilshisi TJK baspasóz qyzmetine silteme jasap.
Sý basqan aýmaqtaǵy halyqtarǵa aldyn ala qaýip týraly habarlanyp, evakýatsııa júrgizildi, maldar qaýipsiz jerge jetkizildi.
Sý aǵyzýdy jaqsartý úshin 300 metr jer qazyldy.
Zelenovka aýylynda bes úıdi jáne 10 aýlany sý basty. 53 adam evakýatsııalandy, 10 adam týystaryna jetkizildi, 43 adam aýyl mektebine ornalastyryldy.
Oktıabrskıı kentinde Lenın kóshesinen ózenge qaraı sý aǵyzý arnasy ornatyldy. Bes úı men bes aýlany sý basty, bir adam evakýatsııalandy.
Qaramyrza kentinde uzaqtyǵy 45 metr úsh sý burý arnasy ornatyldy. Jeti úı, úsh aýlany sý basty, 10 adam qaýipsiz jerge kóshirildi.
Jeleznodorojnyı kentinde eki úı men eki aýlany sý basty, 30 adam qaýipsiz jerge kóshirildi.
TJK-de sý basqan jerlerde 100-den astam adam men 45 birlik tehnıka jumys istep jatqanyn habarlady.
