Qostanaı oblysynda tórt balany túni boıy izdedi
«Dos» izdestirý-qutqarý jasaǵy (ІQJ) eriktileriniń aıtýynsha, 2011, 2013, 2008 jáne 2013 jyldary týǵan tórt qyz bala 9 qazan kúni saǵat 16:00 shamasynda B.Maılın atyndaǵy aýdannyń Asenkrıtovka aýylynda joǵalyp ketken. Olardyń ata-analary balalardyń úıden oınaýǵa shyǵyp ketip, oralmaǵanyn aıtty.
Іzdeý jumystaryna polıtsııa qyzmetkerleri, eriktiler, bilim berý salasynyń, ákimdik qyzmetkerleri men basqa da adamdar qatysqan.
«Asenkrıtovka men kórshi aýyldardyń barlyq qaraýsyz qalǵan ǵımarattary tekserildi»,- dep habarlady «Dos» ІQJ úılestirýshisi.
Balalar jarty táýlik ótkennen keıin aman-esen tabyldy.
«Olar tańerteń saǵat 8:00 shamasynda kórshiles Nıkolaevka aýylynyń mańynan tabyldy. Ata-analarymen profılaktıkalyq áńgime ótkizildi»,- dep atap ótti Qostanaı oblysynyń PD baspasóz qyzmeti.
Aýdannyń polıtsııa bólimi balalardy izdeý jumystaryna qatysqandarǵa alǵys bildirdi.
