Qostanaı oblysynda tórt adam ystan ýlandy
QOSTANAI. QazAqparat - Qostanaı oblysynda úsh eresek adam men bir sábı ystan ýlanyp qaldy, dep habarlaıdy QazAqparat.
Aqparatty oblystyq TJD baspasóz qyzmeti taratty. Oqıǵa Naýyrzym aýdanynda bolǵan.
«Qaramendi aýylyndaǵy jeke turǵyn úılerdiń birinde jylytý peshin durys paıdalanbaý saldarynan 4 adam kómirdiń ysyna ýlanyp qaldy»,- delingen vedomstvonyń baspasóz habarlamasynda.
Ýlanǵan úsh zeınetker men 4 aılyq sábı aýdandyq ortalyq aýrýhanaǵa jetkizilgen. Sondaı-aq, zardap shekkenderge tıisti medıtsınalyq kómek kórsetildi.
