Qostanaı oblysynda Tilep áýlıeniń kesenesi boı kóterdi
Oblystyq mádenıet basqarmasynyń basshysy Erlan Qalmaqovtyń sózine qaraǵanda, kesene qurylysy demeýshi qarjysyna salyndy.
Bul nysan oblystyq mańyzy bar oryndardyń qataryna enedi. Qurylys jumystaryna 10 mln teńge jumsaldy.
«Tilep Aspantaıuly 13 jasynan qobyzda oınaı bastaǵan deıdi. Áıgili Qoılybaıdyń shákirti bolǵan. Qazaqtyń mýzyka óneriniń damýyna zor úles qosty. Bizdiń zamanymyzǵa onyń tek úsh kúıi ǵana saqtalyp jetken. Olar mýzykalyq muranyń altyn qoryna engen. Tilep Aspantaıuly ataqty emshi, kóripkel retinde de tanymal. Ózenniń arǵy betindegi kıiz úıdi bergi betke kóshiretin baqsylyǵy da taraǵan. Adamdardy túrli aýrýdan emdegen qasıetti qara qobyz urpaqtan urpaqqa qaldy. Burynǵy ıÝjnyı sovhozynda «Tilep bıdaıyǵy» degen jer bar. Ózi kóship júrgende: «Astymdaǵy narym qaı jerge shógedi, meni sonda jerleńder» - degen eken. Onyń beıiti Jankeldın aýdany A.Baıtursynuly okrýginiń Shuqyrkólinen 12 shaqyrym jerde ornalasqan», - deıdi Jankeldın aýdanynyń aqsaqaly Ibragım Aǵytaev.
Aıta keteıik, qazir mýzykalyq akademııada Tilep Aspantaıulynyń atynda qobyzshylar kvarteti, mýzykalyq akademııa ansambli bar.
