Qostanaı oblysynda teplovoz relsten shyǵyp ketti
QOSTANAI. QazAqparat - Qostanaı oblysyndaǵy Tobyl stansasynda teplovoz relsten shyǵyp ketti, dep habarlaıdy QazAqparat tilshisi.
Teplovozdyń shoıyn joldan shyǵyp ketkeni týraly Qostanaı oblystyq TJD kezekshi bólimine 24 qazan kúni habar kelip túsken. Oqıǵa Taran aýdanyndaǵy Tobyl stansasynda boldy.
«Alty dóńgelekti teplovoz relsten shyǵyp ketti.Onyń kidirip qalýy jolaýshylar poıyzdarynyń qozǵalysyna áser etken joq. Zardap shekkender bolmady», - dedi TJD baspasóz qyzmetiniń ókili.
Aldyn ala boljam boıynsha, teplovoz rels baǵyttamalarynyń durys tóselmeýinen taıqyp ketken. Naqty sebepteri anyqtalýda.
