Qostanaı oblysynda teplovoz dala órtine sebep boldy
QOSTANAI. QazAqparat — Qostanaı oblysy Qarabalyq aýdanynyń Novotroıtsk aýylynan bes shaqyrym jerde órt tutandy, dep habarlaıdy QazApqarat tilshisi oblystyq Tótenshe jaǵdaılar departamentine silteme jasap.
«Temirjoldy jaǵalaı ósip turǵan 3 gektar jerdegi aǵashtar órtengen. Qurban bolǵandar men zardap shekkender joq. Eldi mekenderge de qaýip joq», - dep málim etti departamentten.
Aldyn ala derekterge qaraǵanda, órttiń tutanýyna teplovozdan shyqqan qaldyqty gazdyń ushqyny sebep bolǵan.
Avtor: Janna Musabaeva
