Qostanaı oblysynda tasqyn sýdan aýyl turǵyndary evakýatsııalandy

QARAMYRZA. QazAqparat – Qostanaı oblysynda tasqyn sý saldarynan Qarasý aýdanyndaǵy Karamyrza aýylynyń turǵyndary evakýatsııalandy. Bul týraly óńirlik Tótenshe jaǵdaılar departamenti qoǵammen baılanys tobynan málim etti, dep habarlaıdy QazAqparat.

«4 sáýirde qardyń qarqyndy erýinen jáne Qarasý aýdanyndaǵy Tintýir ózenine erigen sýdyń túsýinen ózen arnasynan tasydy. Sý basý aımaǵynda 12 turǵyn úı jáne 40 úı aýmaǵy qaldy.

Apatty-qutqarý jáne shuǵyl jumystardy júrgizý barysynda Naberejnaıa kóshesi boıynda sý basý aýmaǵynda qalǵan úılerden 15 adam, sonyń ishinde 8 bala evakýatsııalandy. Olar óz qalaýy boıynsha týǵan-týystaryna ornalastyryldy. Іri jáne usaq mal qaýipsiz jerge aıdaldy.

552 adam turatyn aýyl turǵyndaryna sý tasqyny qaýpi týraly habar ýaqytyly jetkizildi», - delingen TJD málimetinde.

Aýyl ákimdiginiń ǵımaratynda aýdan ákiminiń basshylyq etýimen jedel shtab quryldy.

Departament qyzmetkerleri qajet bolǵan jaǵdaıda halyqqa kómek kórsetý úshin (sonyń ishinde psıhologııalyq) úı-úıdi aralaýdy uıymdastyrdy.

TJ departamentinde jedel jeli quryldy, nómiri – 8 714 2 50 36 24.

Sý basý ornynda TJD, jergilikti atqarýshy organdar men polıtsııanyń kúshteri men quraldary jumys istep jatyr.

Qazirgi ýaqytta jaǵdaı baqylaýda.