Qostanaı oblysynda taǵy bir jasóspirim sýǵa batyp ketti
QOSTANAI. QazAqparat - Qostanaı oblysynda shomylý maýsymy keleńsiz jaǵdaımen bastaldy. Oblysta eki kúnde eki jasóspirim sýǵa batyp ketti, dep habarlaıdy QazAqparat tilshisi Qostanaı oblystyq tótenshe jaǵdaılar departamentiniń baspasóz qyzmetine silteme jasap.
Oqys oqıǵa keshe keshkisin Qostanaı aýdanynda boldy.
«Altynsarın kentiniń shetinde, Tobyl ózeninen Soltústik óńirlik aeromobıldik jedel qutqarý jasaǵy 2003 jyly týǵan jasóspirimniń denesin shyǵaryp aldy. Ol shomylýǵa arnalmaǵan jerde sýǵa túsip jatqanda batyp ketken», - dep málimdedi vedomstvo.
Anyqtalýynsha, jasóspirimniń sýǵa batýdan qorǵanatyn quraldary da bolmaǵan.
Eske sala keteıik, keshe Qostanaı oblysynyń Áýlıekól aýdanynda 15 jasar jetkinshek sýǵa batyp ketkenin habarlaǵan edik.
Avtor: Janna Musabaeva
