Qostanaı oblysynda taǵy bir provızorlyq ortalyq jabyldy
QOSTANAI. QazAqparat – Búgin Qostanaı qalasynda temir jol aýrýhanasynyń janynan ashylǵan taǵy bir provızorlyq ortalyq jumysyn toqtatty, dep habarlaıdy QazAqparat.
Aqparatty oblys ákimdiginiń janynan qurylǵan jedel shtab taratty. Búgin atalmysh emdeý mekemesinen sońǵy 15 naýqas aıyǵyp shyǵyp, 5 naýqas qalalyq aýrýhanaǵa aýystyrylǵan. Al 3 naýqas týberkýlez dıspanserine jatqyzyldy.
«Provızorlyq statsıonarda 24-shilde men 12-tamyz aralyǵynda 116 naýqas emdelip shyqty. Temir jol aýrýhanasyna taıaý kúnderi tıisti sanıtarlyq tazalaý sharalary júrgizilmek. Klınıka kelesi aptadan bastap naýqastardy qalypty tártipte qabyldaı bastaıdy», - delingen shtab aqparatynda.
Jalpy Qostanaı oblysynda osy kúnge deıin 370 provızorlyq tósek-oryn jınaldy. Olar qajet kezde paıdalaný úshin emhana bazalarynda saqtalady.
Aıta keteıik, epıdemıologııalyq jaǵdaıdyń jaqsarýyna baılanysty Tobyl qalasyndaǵy provızorlyq ortalyq jabyldy. Statsıonardan búgin sońǵy syrqat emdelip shyqty.
