Qostanaı oblysynda sý tasqyny shyǵynyn eseptedi
QOSTANAI. QazAqparat - Qostanaı oblysynyń ákimi Arhımed Muhambetov óńir sý tasqyny saldarymen ózi kúrese alady dep sanaıdy, dep habarlady «QazAqparat» HAA tilshisi.
Ákimniń pikirinshe, shyǵyndy aldyn ala baǵalaý shamamen 200 mln teńgeni qurady.
Óńir basshysy búgin oblystyq máslıhattyń kezekten tys sessııasynda sý tasqynyna baǵa berdi. Ol shyǵyndy esepteýmen eki komıssııa aınalysyp jatqanyn habarlady, bireýi turǵyn úı qory jaǵdaıyn, ekinshisi mal joǵaltýdan turǵyndarǵa kelgen shyǵyndy tekseredi.
«Komıssııa jedel jumys isteıdi. Olardyń mindetteri kóp, - dedi ákim. - Sońǵy birneshe kúnde komıssııa 10 eldi mekenge bardy. Jóndeýge muqtaj 12 úı, súrilýge jatatyn 5 úı anyqtaldy».
Oblys basshysy shyǵynnyń ornyn toltyrý qujattardy tyńǵylyqty tekserýmen júzege asatynyn atap ótti.
«17 iri qara mal, 74 usaq mal, 200-den astam shoshqa, 600-deı úı qustary ólgen, dedi ákim. - Jalpy shyǵyn 7 mln 300 myń teńgeni quraıdy. Onyń orny toltyrylady».
«Turaqty jumys júrgizip jatyrmyz. Jaǵdaı baqylaýda», - dep atap ótti Arhımed Muhambetov.
