Qostanaı oblysynda sý tasqyny qaýpi tóngen eldi mekender anyqtaldy
QOSTANAI. QazAqparat – Qostanaı oblysynda tasqyn qaýpi tóngen eldi mekender anyqtaldy. Bul týraly Qostanaı oblystyq TJD mamandary aqparat berdi, dep habarlaıdy QazAqparat.
Óńirde sý tasqynyna qarsy komıssııa qurylyp, jospar boıynsha is-sharalardy bastap ketti. Tasqyn qaýpi tóngen 99 eldi mekenniń ústinen tikushaq arqyly barlaý júrgiziledi.
«Reseımen shekaralas jáne Qaraǵandy oblysynyń Ulytaý aýdanyndaǵy sý qoımalaryn barlaý kózdelýde. 15 naýryzdan bastap, óńirde 56 myń tekshe metr muz jarylady. Bul ótken jylǵydan eki ese kóp. Tasqynǵa qarsy sharalardy júrgizý úshin 50 myń qap, 13 myń tonnadaı ınerttik materıal, 140 tonna janar-jaǵar maı daıarlandy. Turǵyndar úshin azyq-túlikpen qamtamasyz etý sharalary júrgiziledi. Osy maqsatta TJD men kásiporyndar arasynda 68 kelisimshart jasalǵan», - delingen vedomstvo aqparatynda.
Eldi mekenderdi qardan tazalaý jumystary da jiti baqylaýda. Máselen, oblys ortalyǵy Qostanaı qalasynan 750 myń tekshe metrden astam qar tysqa shyǵaryldy.
