Qostanaı oblysynda sý qubyry jelilerin jóndeýge 10 mlrd teńge bólindi

QOSTANAI. QazAqparat - Qostanaı oblysynda bıyl sýmen jabdyqtaý jáne sý tartý jelilerin kúrdeli jóndeý jalǵasyp jatyr. Oǵan 10 mln teńge bólingen, dep málim etti Energetıka jáne TKSh basqarmasynyń basshysy Almat Isenbaev. Bul týraly QazAqparat tilshisi habarlady.

A. Isenbaevtyń aıtýynsha, «Aq bulaq» baǵdarlamasy aıasynda 2011-2016 jyldary Qostanaı oblysynda bıýdjetten sýmen jabdyqtaý jáne sý tartý jelilerin jańartýǵa baǵyttalǵan 75 jobaǵa 34 mlrd teńge bólingen.

«1100 shaqyrym jeli jańartyldy. «Nurly jol» memlekettik baǵdarlamasy aıasynda 2015-2019 jyldary bıýdjettik nesıeleý tetigi arqyly oblysqa 15 jobany júzege asyrý úshin 10 mlrd teńge bólindi. Sonyń nátıjesinde 143 shaqyrym sýmen jabdyqtaý, 14 - sý tartý jelisi qaıta quryldy», - dep habarlady vedomstvo basshysy.

«Byltyr óńirdi damytý baǵdarlamasy boıynsha aýyldy sýmen jabdyqtaýda 9 jobany júzege asyrý úshin 2,6 mlrd teńge bólindi. Osy jyly sýmen jabdyqtaý jáne sý tartý boıynsha 25 joba úshin 9,7 mlrd teńge berildi. Onyń ishinde 8 mlrd teńge sýmen jabdyqtaý jelilerin qaıta qurýǵa, 1,7 mlrd teńge qurylysqa jumsaldy», - dep túsindirdi A. Isenbaev.

Osy 25 jobany júzege asyrýdyń arqasynda sýmen jabydyqtaý jelileriniń tozyǵy 2,1%-ǵa tómendeıdi. 25 jobanyń 21-i - aýyldy sýmen jabdyqtaýǵa arnalǵan.

Osylaısha, 93 myńnan astam adam alǵash ret ortalyqtandyrylǵan sýmen qamtamasyz etiledi.