Qostanaı oblysynda sot aýmaǵynda spırtti ishimdik ishken er adam qamaýǵa alyndy
ASTANA. QazAqparat - Jitiqara aýdanynyń 30 jastaǵy turǵyny sot aýmaǵynda spırtti ishimdik iship qoıǵany úshin ákimshilik jaýapqa tartyldy, dep habarlaıdy Qostanaı oblystyq sotynyń baspasóz qyzmeti.
Іs materıaldaryna sáıkes, 8 qyrkúıek kúni keshki saǵat bester shamasynda azamat D., mas kúıde bola otyryp, Jitiqara aýdandyq sotynyń aýmaǵynda qoǵamdyq orynda spırtti ishimdik ishken. Buǵan deıin oǵan bir jyl ishinde eki ret qoǵamdyq oryndarda mas kúıde júrgeni úshin ákimshilik aıyppul salynǵan.
Іsti qaraǵan sot D.-ny QR Ákimshilik quqyqbuzýshylyq týraly kodeksiniń 440-baby, 4-bóligine sáıkes, osy quqyqbuzýshylyǵy úshin eki táýlikke qamaý týraly qaýly qabyldaǵan. Sottyń qaýlysy zańdy kúshine engen joq.
