Qostanaı oblysynda SMART keńseler ashyldy
Ýnıversıtettegi ortalyq «Tsıfrlyq Qazaqstan» baǵdarlamasy aıasynda júzege asyrylǵan. Atalmysh aımaqtyq SMART-ortalyǵynda stýdenttik startaptar men ǵylymı ıdeıalardy iske asyrý úshin Coworking – start alańy, «Lab Network» kesheni, IT-skills (robototehnıka, 3D úlgileý), Cyber-club jáne Agro-skills keńseleri ashyldy. Keńselerde túrli baǵyttaǵy jobalar jasalady. Máselen, «Lab Network» kesheninde 3 zerthana jumys isteıdi. Olar: fızıkalyq-hımııalyq, agrohımııalyq jáne bıotehnologııalyq labarotorııalar jelisi. Munda qostanaılyq stýdentter oılap tapqan ıdeıalaryn arnaıy sarapshylardyń kómegimen júzege asyrady.
Ortalyqtyń tynys-tirshiligimen tanysqan aımaq basshysy mekeme ujymyna naqty tapsyrmalar júktedi. Aýqymdy jobalardy júzege asyrý úshin ákimdik tarapynan qoldaý bolatynyn jetkizdi.
«Búginde bizdiń oblysta ІT-tehnologııa, agroóndiris salalary jaqsy damyp keledi. Stýdentter ózderiniń tıimdi degen jobalaryn iske asyryp, «Ekoservıs-2030» atty kompanııasyn qurdy. 2019 jyly ýnıversıtettiń jeke qarajatynan 150 mln teńge bólinip, zerthanalyq jabdyqtar men jóndeý jumystaryna jumsaldy. Al osy jyly ІT-tehnologııa men zerthanalyq jabdyqtardy engizýge qosymsha 150 mln teńge qarjy salý kózdelip otyr. Qostanaı memlekettik ýnıversıteti ǵylymı jobalarǵa bıznes-ınvestıtsııalardytartý arqyly ǵylymı ortalyqqa aınalýy tıis. Ataýly ortalyq keńseleri óńir jastaryn ІT tehnologııasy salasyndaǵy ǵylymı-óndiristik qyzmetke belsendi tartýǵa yqpal etedi dep úmittenemin», - dedi oblys basshysy.
Aıta keteıik, 2022 jylǵa deıin oblysta naqty eginshilik boıynsha 192 ozyq jáne 16 tsıfrlyq ferma, mal sharýashylyǵynda 156 ozyq ferma jáne 17 smart-ferma iske qosylady.