Qostanaı oblysynda sibir eligin atýshylar kóbeıgen
QOSTANAI. QazAqparat - Qostanaı oblysynda bıyl brakonerlerdiń memleketke keltirgen shyǵyny jeti mıllıon teńgeden asyp ketti, dep habarlaıdy «QazAqparat» HAA tilshisi.
Aýmaqtyq orman sharýashylyǵy jáne janýarlar dúnıesi ınspektsııasynyń bólim basshysy Boranbaı Aıtqojın málim etkendeı, qazirgi kúni brakonerler keltirgen shyǵyn somasynyń jartysy óndirildi.
«Aǵymdaǵy jyldyń 11 aıynda tuıaqty janýarlardy zańsyz atýdyń 9 faktisi anyqtaldy. Onyń ishinde brakonerler 3 qabandy, 6 sibir eligin atqan. Osylaısha, kináli tulǵalar ákimshilik jaýapkershilikke tartyldy. Qazaqstan Respýblıkasynyń ákimshilik kodeksine sáıkes, ań aýlaý erejelerin buzǵan azamattarǵa 5 aılyq eseptik kórsetkish mólsherinde aıyppul salynady. Sondaı-aq, Qazaqstan Respýblıkasynyń «Qyzyl kitabyna» engizilgen janýarlar men qustardy atqandarǵa jaza quny birneshe eselenedi. Mysaly, bir zańsyz oljalanǵan sibir eligi úshin 250 AEK mólsherinde aıyppul belgilengen», - dedi bólim basshysy
QR janýarlar dúnıesin saqtaý úshin aýmaqtyq orman sharýashylyǵy jáne janýarlar dúnıesi basqarmasynyń ınspektorlary únemi reıdtik sharalar uıymdastyryp turady.
«Jyrtqysh qustarmen ań aýlaý kezinde arnaıy pasport talap etiledi. Belgilengen tynyshtyq saqtaý aımaqtarynda jáne ań-qus ósimin molaıtý ýchaskelerinde aýlaýǵa tyıym salynady. Ańshylyq sharýashylyǵy sýbektisimen shart jasaspaı, kásiptik maqsatta ań aýlaýshylar jazaǵa tartylatynyn eskertemiz», - dedi Boranbaı Aıtqojın.
Eske salsaq, tuıaqty janýarlardy áýesqoılyq (sporttyq) maqsatta aýlaý ýákiletti organnyń bekitilgen merziminde ruqsat etiledi. Bıyl Qostanaı oblysynda tuıaqty janýarlardy aýlaý úshin arnaıy alqaptarda 31-jeltoqsanǵa deıin joldama beriledi. Atap aıtqanda, sibir eligin atý 20-qyrkúıekten, al qaban aýlaý 2-qyrkúıekten bastaldy.
