Qostanaı oblysynda shóp arasynan kúıik shalǵan áıel tabyldy

LISAKOVSK. QazAqparat – Qostanaı oblysynyń Lısakovsk qalasynda denesi kúıip qalǵan áıel tabyldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, 2021 jyldyń 15 maýsymynda tutanǵan shópti sóndirý kezinde órt sóndirýshiler kúıik shalǵan áıeldi tapqan.

«Jedel járdem kóligimen áıel qalalyq aýrýhanaǵa jetkizildi. Alaıda, ol alǵan kúıik jaraqattarynan kóz jumdy. Polıtseıler onyń óz-ózine qol jumsamaq bolǵanyn anyqtady», - dedi polıtsııadan.

Atalmysh fakti boıynsha Qylmystyq kodekstiń 105-baby 1-bóligine sáıkes sotqa deıingi tergeý júrgizilýde. Saraptamalar taǵaıyndaldy.