Qostanaı oblysynda shomylý maýsymy bastalǵaly 12 adam sýǵa ketti

QOSTANAI. QazAqparat - Bul jaıynda arnaıy brıfıngte Qostanaı qalalyq tótenshe jaǵdaılar basqarmasynyń ókili, maıor Qurmanǵazy Táýekelov aıtty, dep habarlaıdy QazAqparat.

Spıkerdiń aıtýynsha, 1 maýsymnan beri oblystyń sý aıdyndarynda 12 adam sýǵa ketken. Onyń ishinde 1 bala bar. 2021 jyldyń osyndaı kezeńinde - 11 adam sýǵa batqan edi, onyń ishinde 5 bala boldy.

Ótken aptada bir adam osylaı kóz jumdy. Qaıǵyly oqıǵa 24 shilde saǵat 17.30 shamasynda Rýdnyı qalasy, Parkovaıa kóshesindegi shirkeý aýdanynda bolǵan.

Qutqarýshylar jabdyqtalmaǵan jerde shomylyp júrip batyp ketken 1995 jyly týǵan azamattyń denesin sýdan shyǵardy.

Sýǵa batqandar negizinen úsh aýdanda tirkelgen. B.Maılın aýdanynda - 5, Rýdnyıda - 4 adam, Qostanaı aýdany - 2 adam.

«Sýdaǵy oqıǵalardyń negizgi sebepteri - mas kúıinde shomylý, balyq aýlaý kezinde erejelerdi buzý jáne balalardy qaraýsyz qaldyrý, júze almaý jáne óz kúshin durys baǵalamaý» dep atap ótti brıfıngte Qurmanǵazy Táýekelov