Qostanaı oblysynda ShOB sany artty
«Koronavırýs pandemııasymen baılanysty jaǵdaıǵa qaramastan kásipkerlikti damytý baǵytynda belsendi jumys júrgizdik. Oǵan shaǵyn jáne orta bıznes salasyndaǵy negizgi kórsetkishter boıynsha oń dınamıka dálel bola alady. 2021 jyldyń 5 aıynyń qorytyndysynda óńirdegi jumys istep turǵan shaǵyn jáne orta bıznes sýbektileriniń sany 2 paıyzǵa artty», - dedi oblys basshysy Ortalyq kommýnıkatsıylar qyzmetindegi baspasóz, máslıhatynda.
Onyń dereginshe, búginde óńirde 53,4 myń shaǵyn jáne orta bıznes sýbektisi jumys isteıdi. Olarda 155,8 myń adam eńbek etedi.
«Pandemııanyń teris yqpalyna qaramastan ShOB sýbektileri shyǵarylatyn ónim kólemin saqtap qaldy. Bul 2020 jyldyń qorytyndysynda óńirlik jalpy ónimdegi shaǵyn jáne orta bıznes úlesin 30 paıyzǵa deıin jetkizýge múmkindik berdi. Kásipkerlerdi qoldaý úshin bıznesti qoldaýǵa arnalǵan memlekettik jáne óńirlik baǵdarlamalar qarqyndy júzege asyrylyp jatyr. Máselen, bıyl «Bıznestiń jol kartasy -2025» baǵdarlamasy aıasynda shamamen 6 mlrd teńge bólindi. Esepti kezeńde 1 002 jobaǵa qoldaý kórsetildi. «Qarapaıym zattar ekonomıkasy» baǵdarlamasy aıasynda jalpy somasy 50,7 mlrd teńge bolatyn 304 joba maquldandy. 2016 jylda beri «Atameken Qostanaı» óńirlik baǵdarlamasy aıasynda 2 mlrd teńgeden astam somaǵa 379 jobaǵa qoldaý kórsetildi», - dedi Arhımed Muhambetov.
