Qostanaı oblysynda shekteý sharalary uzartyldy
Bul týraly óńirlik jedel shtabtyń otyrysynda belgili boldy, dep habarlaıdy QazAqparat oblys ákiminiń baspasóz qyzmetine silteme jasap.
Jedel shtabynyń kezekti otyrysynda oblys ákimi Arhımed Muhambetov tóraǵalyq etti.
Aımaq basshysynyń aıtýynsha, Qostanaı oblysy epıdemıologııalyq ahýal boıynsha «sary» aımaqta qaldy. Osy ýaqytqa deıin oblysta koronavırýs ınfektsııasynyń 7007 deregi tirkeldi. Oblysta karantın talaptaryn buzýshylardyń qatary azaımaı tur. Buǵan deıin birneshe ret aıyppul salynǵan mekemeler endi 3 aıǵa deıin jabylýy múmkin.
«Jedel shtab karantındik shekteýlerdi saqtaýdy jáne qoldanystaǵy erejelerdi 5 qańtarǵa deıin uzartý týraly sheshim qabyldady. Buqaralyq is-sharalardy, jańa jyldyq erteńgilikter men korporatıvterdi uıymdastyrýǵa tolyǵymen tyıym salyndy», delingen oblys ákiminiń baspasóz qyzmetine taratqan habarlamada.
Oblys basshysy tıisti organdardyń basshylaryna karantın rejımin kúsheıtýdi tapsyrdy.
Arhımed Muhambetov karantındi birneshe ret buzǵan mekemelerdiń isin sotqa jiberip, olardyń jumysyn úsh aıǵa deıin toqtata turýdy talap etti.
