Qostanaı oblysynda shabyndyq kezinde eki adam kóz jumdy
QOSTANAI. QazAqparat – Qostanaı oblysy Sarykól aýdanynda Qaskól kentine jaqyn mańda shabyndyq kezinde qaıǵyly oqıǵa boldy, dep habarlaıdy «QazAqparat» HAA tilshisi TJD baspasóz qyzmetine silteme jasap.
Órt búgin tańerteń jumysshylar demalyp jatqan vagonda boldy.
«1968, 1999 jylǵy er adamdar kóz jumdy. Órt búgin saǵat 4:45-te boldy. Aldyn ala málimetterge sáıkes, órtke tósekte jatyp temeki tartý sebep bolýy múmkin», - dep málim etti TJD ókili.
Belgili bolǵandaı, oqıǵa bolǵan jerde taǵy bir vagon turǵan. Onyń ishinde tórt jumysshy bolǵan. Alaıda olar qatty shyqqan dybysty estigen sátte órtke oranǵan vagondaǵy adamdardy qutqarýǵa kesh bop qalǵan.
Vedomstvonyń málimetinshe, órttiń aýmaǵy 15 sharshy metrdi qamtydy. Qutqarýshylar kelgenge deıin vagon túgeldeı órtenip ketti.
