Qostanaı oblysynda saıajaı órtenip, er adam kóz jumdy
QOSTANAI. QazAqparat – Lısakov qalasyndaǵy saıajaıda órt shyǵyp, bir adam qaza boldy, dep habarlaıdy QazAqparat oblystyq Tótenshe jaǵdaılar departamentiniń baspasóz qyzmetine silteme jasap.
Qostanaı oblysy TJD kezekshi bólimine Lısakov qalasyndaǵy saıajaılardyń birinen órt shyqqany týraly habar túsken.
«Oqıǵa ornyna TJD jeke quramynyń 5 qyzmetkeri jáne 1 arnaıy tehnıkasy jumyldyryldy. Órt sóndirýshiler kelgen sátte saıajaı úıiniń 20 sharshy metr aýmaǵy janyp ketken. Órtengen úıdiń ishinen er adamnyń máıiti tabyldy. Onyń 42 jastaǵy Lısakov qalasynyń turǵyny ekeni anyqtaldy», - delingen habarlamada.
TJD qyzmetkerleri jazda ot jaqqan kezde barynsha saq bolýǵa shaqyrady.
