Qostanaı oblysynda provızorlyq gospıtal ashyldy
QOSTANAI. QazAqparat – Qostanaı qalasyndaǵy «Dostyq» saýyqtyrý kesheni provızorlyq gospıtal qyzmetine kiristi. Bul týraly oblystyq densaýlyq saqtaý basqarmasynyń baspasóz qyzmeti málim etti, dep habarlaıdy QazAqparat.
Qostanaı oblysynda koronavırýs ınfektsııasymen kúres jáne aldyn alý sharalary jalǵasýda. Sonyń biri – provızorlyq emhananyń ashylýy. Bul sheshim óńirde prozıvorlyq tósek-oryndardyń jetispeýine baılanysty qabyldandy.
«Qazir bul statsıonarǵa 100 tósek-oryn qoıylyp, ottegi jáne qajetti qurylǵylar men medıtsınalyq jabdyqtar, dári-dármekter jetkizildi. Jalpy oblysta 460 tósek-orynǵa suranys bar. Jańa gospıtal 11 shilde kúni keshki saǵat 20.00-de alǵashqy naýqastardy qabyldady. Bul provızorlyq statsıonardyń jumysyn oblystyq aýrýhana rettep otyrady», - dedi oblystyq Densaýlyq saqtaý basqarmasynyń baspasóz hatshysy Ksenııa Jılkıbaeva.
Jańa ashylǵan statsıonar dárigerlermen tolyq qamtylǵan. Bul – Qostanaı qalasyndaǵy úshinshi provızorlyq statsıonar.
