Qostanaı oblysynda poıyz tórt jarym saǵat boıy buzylyp turǵan - TJD
QOSTANAI. QazAqparat - 4 jarym saǵat keshigip kelgen «Qostanaı-Arqalyq» poıyzynyń 1 vagonynan aqaý bilingen, dep habarlaıdy QazAqparat oblystyq TJD baspasóz qyzmetine silteme jasap.
«17 jeltoqsan kúni tehnıkalyq aqaýlarǵa baılanysty «Qostanaı-Arqalyq» baǵytyndaǵy № 622 jolaýshylar poıyzy «Qusmuryn» beketinde kidirip turdy. Belgili bolǵandaı, 1-vagondaǵy 2 dońǵalaq juby synǵan. Saǵat 06:10 shamasynda jóndeý-qalpyna keltirý jumystary aıaqtalyp, poıyz ornynan qozǵaldy. Arqalyq qalasyna 4 saǵat 29 mınýt keshigip keldi», - dep habarlady oblystyq TJD.
Aıta keteıik, vagon dońǵalaqtaryn aýystyrý úshin «QTJ» AQ qyzmetkerleri jumyldyryldy.
Eske salsaq, 18 jeltoqsan kúni Aqmola oblysynyń Esil stansasynda tehnıkalyq sebepterge baılanysty turyp qalǵan «Almaty - Qostanaı» jolaýshylar poıyzy 7 saǵatqa jýyq keshigip keldi.
