Qostanaı oblysynda polıtseıler 400 keliden astam esirtkini órtedi

QOSTANAI. QazAqparat – Rýdnyı qalasynyń polıtseıleri «Sokolov-Sarybaı ken baıytý kombınatynyń» ken qorytý peshine 395 keli keptirilgen marıhýana men 14 keliden astam gashıshti órtedi, dep habarlaıdy QazAqparat oblystyq polıtsııa departamenti baspasóz qyzmetine silteme jasap.

Tártip saqshylarynyń aıtýynsha, sońǵy úsh jyl ishinde munshalyqty iri kólemdegi esirtki zattary birinshi ret tárkilenip otyr.

«Esirtki 28 shilde kúni Begejan aýylynyń 49 jastaǵy turǵynynan tárkilengen. Kúdikti 21 qap marıhýana men 2 paket gashıshti Rýdnyı qalasynda ózi jalǵa alǵan garajda saqtaǵan. Qazir ustalǵan azamatqa QR QK 297 baby boıynsha aıyp taǵylyp, tergeý júrip jatyr. Qylmysy dáleldense, 10 jyldan 15 jylǵa deıin bas bostandyǵynan aıyrylýy múmkin. Qylmystyq is barysynda arnaı saraptamalar taǵaıyndalyp, sotqa deıingi tergeý sharalary júrip jatyr. Tárkilengen esirtki zattary 30 mln teńge shamasynda bolady», delingen polıtsııa aqparatynda.

Rýdnyı qalalyq polıtsııa basqarmasy bastyǵynyń orynbasary Erbol Kákenovtyń aıtýynsha, asa iri kólemdegi esirtki zattaryn saqtaýǵa zań boıynsha ruqsat etilmeıdi. Onyń qylmyskerge sot úkimi shyqpaı jatyp joıylýynyń sebebi de osy.