Qostanaı oblysynda polıtseıdiń ólimine qatysty sot otyrysy bastaldy
QOSTANAI. QazAqparat – Qostanaı oblysynda polıtseıdi óltirgen aıyptalýshyǵa qatysty sot otyrysy bastaldy, dep habarlaıdy QazAqparat oblystyq sottyń baspasóz qyzmetine silteme jasap.
Qostanaı oblysy mamandandyrylǵan aýdanaralyq sotynda polıtseıdi óltirgen Tobyl qalasynyń 28 jastaǵy turǵynyna qatysty sot otyrysy bastaldy. Aıyptalýshynyń buryn da sottalǵany belgili boldy. Ol QR Qylmystyq kodeksiniń 99-baby 2-bólimi boıynsha aıyptalyp otyr.
Sot otyrysy onlaın rejımde ótti. Aıyptalýshy sot zalyna jetkizilmegen. Alǵashqy sot otyrysynda kýágerlerden jaýap alyndy. Osy is boıynsha kezekti otyrys 2 maýsymǵa belgilendi.
Aıta keteıik, polıtsııa serjanty Darhan Bazarbaev 19 qańtarǵa qaraǵan túni qyzmettik boryshyn atqarý ústinde qaskóıdiń qolynan mert bolǵan edi. Óz otbasyn qyryp-joımaq bolyp qoqań-loqy kórsetken 28 jastaǵy Tobyl qalasynyń turǵyny shaqyrtýmen barǵan Darhanǵa pyshaq salǵan. Oqıǵa ornyna kelgen jedel járdem serjantty qutqaryp qala almady.
Eske sala ketsek, qańtar aıynda Memleket basshysy Qasym-Jomart Toqaevtyń Jarlyǵymen qyzmettik boryshyn atqarý barysynda erlik pen janqııarlyq kórsetken Darhan Bazarbaev ІІІ dárejeli «Aıbyn» ordenimen marapattaldy.
