Qostanaı oblysynda polıtseı tunshyǵyp jatqan balany qutqaryp qaldy
QOSTANAI. QazAqparat - Qarabalyq aýdany polıtsııa bóliminiń polıtseıi Ivan Shevchenko tunshyǵyp jatqan balaǵa alǵashqy kómek kórsetti, dep habarlaıdy QazAqparat tilshisi.
Oqıǵa Qarabalyq aýdanynyń ortalyǵyndaǵy kópqabatty turǵyn úılerdiń biriniń aýlasynda bolǵan. Polıtsııa aǵa tergeýshisi maıor Ivan Shevchenko munda otbasymen birge serýendep júrgen kezde kómek surap aıqaılaǵan áıeldiń daýsyn estıdi. Ol kómekke kelip, kishkentaı qyz ben onyń janyndaǵy anasyn kóredi. Áıel qyzynyń kámpıtke qaqalyp, tynys ala almaı jatqanyn túsindirgen.
Polıtseı balany anasynan alyp, basyn tómen qaratyp, tizesine jatqyzady jáne jaýyryny tusynan jeńil soqqy berip, kámpıtti tynys alý joldarynan shyǵaryp alǵan. Ol joldan ótip bara jatqan kólikti toqtatyp, qyzy men anasyn aýdandyq aýrýhanaǵa jibergen.
«Birneshe jyl buryn meniń ulym da kámpıtke shashalyp qaldy, biraq mundaı qıyn jaǵdaıǵa tap bolmadyq. Men sol kezde balaǵa qandaı kómek berý kerektigin oqyǵan edim. Sondaı-aq, alǵashqy medıtsınalyq kómek berý ádisterin vedomstvolyq oqýlarda da oqydyq. Sondyqtan, qalaı áreket etý kerektigin bildim. Mamandyǵymyz solaı bolǵandyqtan, abdyraýǵa bolmaıdy», - deıdi polıtseı Ivan Shevchenko.
Qazir balanyń ómirine eshqandaı qaýip tónip turǵan joq.
