Qostanaı oblysynda para aldy degen kúdikpen kóliktik baqylaý ınspektsııasynyń basshysy ustaldy
«Qostanaı oblysy boıynsha kóliktik baqylaý komıtetiniń basshysy qazirgi ýaqytta para aldy degen kúdikke ilinip otyr. Qazirgi ýaqytta Qostanaı oblysy boıynsha sybaılas jemqorlyqqa qarsy is-qımyl agenttigi oblystyq kóliktik baqylaý ınspektsııasynyń basshysyna qatysty sotqa deıingi tergeý amaldaryn bastady. Júıeli túrde óńirdegi kásipkerlerdi «qamqorlyǵyna» alyp, júk kólikterin kedergisiz ótkizgeni, iri gabarıtti júkterdi tasymaldaý erejelerin buzǵany úshin ákimshilik jaýapkershilikten bosatqany úshin oǵan para aldy degen aıyp taǵylýda», - dedi Sybaılas jemqorlyqqa qarsy is-qımyl agenttiginiń birinshi departamentiniń aǵa tergeýshisi Danııar Bıgaıdarov agenttikte ótken baspasóz máslıhatynda.
Onyń aıtýynsha, kúdikti 28 aqpan kúni 1 mln teńge para alyp jatqan jerinen ustalǵan. Sot sanktsııasymen qamaýǵa alynǵan. Kúdiktige qatysty is endi sotta qaralady.