Qostanaı oblysynda oıyn-saýyq ortalyqtarynyń jumys isteýine ruqsat berildi
QOSTANAI. QazAqparat – Qostanaı oblysynda 25 mamyrdan bastap karantındi jeńildetýdiń jańa kezeńi engiziledi. Bul týraly búgin oblys ákiminiń qatysýymen ótken apparat májilisinde aıtyldy, dep habarlaıdy QazAqparat.
Arhımed Muhambetov koronavırýs ınfektsııasynyń taralýyna jol bermeý jónindegi jedel shtabtyń kezekti otyrysy ótkizdi. Búginde aımaqta COVID-19 indetiniń 112 jaǵdaıy tirkelgen, onyń ishinde 50 adam saýyǵyp, 2 naýqas qaıtys bolǵan.
Jedel shtab otyrysynda Jitiqara qalasyn qospaǵanda, oblys aýmaǵynda karantındik is-sharalardy jeńildetýdiń 4-shi kezeńin engizý týraly sheshim qabyldandy.
Sonymen, 25 mamyrdan bastap kelesi nysandardyń jumysyna ruqsat etiledi:
1. Azyq-túlik emes saýda ortalyqtary men dúkender (alańy 2000 sh.m. astam), saýda, oıyn-saýyq ortalyqtary;
2. Mektepten tys qosymsha bilim berý uıymdary (damý, bilim berý ortalyqtary, úıirmeler, fakýltatıvter jáne t.b);
3. Banketter, úılený toılar, mereıtoılar, ataýly is-sharalar, sondaı-aq mektep bitirý is-sharalarynan tys, saǵat 7-00-den 22-00-ge deıin ýaqytta kelýshiler sany 30 adamnan aspaıtyn qoǵamdyq tamaqtandyrý obektileri, jazǵy terrasalar (ústelderdi araqashyqtyǵy keminde 2 metr);
4. Massaj salondary;
5. 30 adamǵa deıin repıtıtsııa ótkizýge arnalǵan kitaphanalar, mádenıet obektileri;
6. 30 adamǵa deıingi toptarǵa, onyń ishinde trenajer zaldaryna jattyǵý ótkizetin sport obektileri;
7. Qosymsha qyzmet kórsetýsiz qonaq úıler (SPA, basseınder, jattyǵý zaldary, bılıard, kınozaldar, konferentszaldardy jalǵa alý).
«Oraza Aıt merekesin kópshilik qaýymsyz, týǵan-týystar men jaqyndardyń ortasynda merekeleýdi usynamyn. Qazir vırýsqa baılanysty turaqty túrde monıtorıng júrgizilip jatyr jáne karantındik sharalardy odan ári jeńildetý týraly sheshim epıdemıologııalyq jaǵdaıdy eskere otyryp, kezeń-kezeńmen qabyldanady», - dedi oblys ákimi.
Foto: arman3d.kz
