Qostanaı oblysynda ósirilgen sıyrdyń buzaýy 220 keli tartady

QOSTANAI. QazAqparat - Qostanaı oblysynyń kásipkerleri shetelden etti sıyr aldyryp, sharýashylyǵyn dóńgeletip otyr, dep habarlaıdy QazAqparat Habar 24 agenttigine silteme jasap.

Osy joly Qarabalyq aýdanyndaǵy seriktestik «Sybaǵa» baǵdarlamasy boıynsha Amerıka Qurama Shtattarynan 1843 bas aberdın angýs sıyryn satyp aldy. Etti iri qaranyń ereksheligi - segiz aılyq buzaýy 220 keli tartady. Úsh jastaǵy sıyrlar 500 keliden astam et berse, buqasy 850 keliden asady.

Jalpy 2010 jyldan beri Tobyl óńirine shetelden 13 800 bas iri qara ákelingen. Bul óz kezeginde mal ónimderi eksportyn arttyrýǵa jol ashady. 

«Bul mal jekelegen sharýashylyqtarǵa bólinedi. Olar satyp alady. Jyldan-jylǵa mal kóbeıip jatyr. Qazir aýdan boıynsha 30 myńnyń syrtynda qara mal basy bar. Kezinde sanyn azaıtyp alǵanbyz», - deıdi Qarabalyq aýdandyq aýyl sharýashylyǵy bóliminiń basshysy Aǵybaı Beısembaev. 

Illıýstratsııalyq sýret