Qostanaı oblysynda órtten zardap shekkenderge arnalǵan úılerdiń qurylysy aıaqtalyp qaldy

QOSTANAI. QazAqparat – Qostanaı oblysynyń ákimi Arhımed Muhambetov Instagram paraqshasynda Áýlıekól aýdanynda órtten zardap shekkenderge arnalǵan úılerdiń qurylysy aıaqtalyp qalǵanyn málim etti, dep habarlaıdy QazAqparat tilshisi.

«Áýlıekól aýdanynda rekordtyq qysqa merzimde turǵyn úılerdiń qurylysy aıaqtalýǵa jaqyn. Jaqyn arada turǵyndardy qonystandyrý bastalady. Kórip otyrǵandaryńyzdaı, fotosýretterde bir aıdaǵy úlken ózgeristerdi baıqaýǵa bolady», - dep jazdy Arhımed Muhambetov.

Shynynda da, salystyrmaly eki fotosýrette bir aıdyń ishinde en dalada tutas bir kottedjdik aýyl qalaı turǵyzylǵany baıqalady.

Sondaı-aq, A.Muhambetov daıyn úılerdiń biriniń ishi qalaı kórinetinin vıdeosyn jarııalady.

Buǵan deıin orman órtinen zardap shekken Áýlıekól aýdany turǵyndarynyń úılerin salýǵa birneshe ondaǵan merdiger uıymdar kiriskeni habarlanǵan bolatyn.

Qurylys jumystary táýlik boıy júrgizildi.

Foto: instagram.com/arkhimed_mukhambetov