Qostanaı oblysynda órtten búlingen kásipkerlik nysandar týraly málimet jınaý úshin shtab quryldy

NUR-SULTAN. QazAqparat – Qostanaı oblysynda órtten zardap shekken azamattarǵa kómek kórsetý jáne zalal kólemin esepteý úshin shtab quryldy, dep habarlaıdy QazAqparat «Atameken» Ulttyq kásipkerler palatasyna silteme jasap.

«Aqparat kún saıyn jańaryp turady. Zalaldy baǵalaý úshin saraptamalyq komıssııa jiberiledi. Resmı derekter men naqty zalal arasynda aıyrmashylyq bolǵan jaǵdaıda zardap shekken bızneske naqty zalal boıynsha ótem jasaý úshin qarjylaı kómek jınaý uıymdastyrylady», - dedi «Atameken» QR UKP basqarma tóraǵasynyń birinshi orynbasary Maqsat Qıqymov.

«Kúshimiz birlikte» qorymen qarajat jınaý jáne zardap shekkenderge tólem jasaý boıynsha kelisim jasalǵan. Órtten zardap shekkender jáne kómek berem deýshi azamattar UKP baılanys ortalyǵyna 1432 jáne ÓKP qyzmetkerlerine habarlasa alady: + 7 777 037 77 78 , [phone], [phone].

Aldyn ala derekter boıynsha, qazir oblysta tasjol boıynda ornalasqan úsh qoǵamdyq tamaqtaný nysany órtenip ketken. Onyń bireýi jumys istemegen.

«Atameken» zardap shekken kásipkerlerden múmkindik týyndaǵan jaǵdaıda búlingen oryndy, zardap kólemin foto jáne vıdeoǵa muqııat túsirip alýdy suraıdy. Bul sharalar dálel jınap, ári qaraı kómek alý úshin qajet bolady.

«

Qurmetti kásipkerler, órt aýyzdyqtalmaı, ómirge qaýip tónetin orynǵa barýdan aýlaq bolyńyz. Tek múmkindik bolǵan jaǵdaıda ǵana foto-vıdeoǵa túsirińiz

», - dep eskertedi Ulttyq kásipkerler palatasynan.

Sonymen qatar, shtab zardap shekken halyqqa kómek kórsetý jumysyn júrgizip jatyr.

«Bıznes ókilderin kómek berýge shaqyramyz. Óńirlerde zardap shekken halyqqa kıim jáne azyq-túlik jınaý jarııalandy. Ár óńirde jumysty óńirlik kásipkerler palatalary úılestiredi. Al azyq-túlik, jyly kıim Qostanaı oblysyna jóneltiledi», - dedi Maqsat Qıqymov.