Qostanaı oblysynda órtten bir úıdiń úsh balasy mert boldy
QOSTANAI. QazAqparat – Qostanaı oblysynyń Amangeldi aýylynda bir úıden órt shyǵyp, úsh bala qaza tapty, dep habarlaıdy QazAqparat tilshisi.
Oblystyq Tótenshe jaǵdaılar departamentiniń baspasóz qyzmetiniń habarlaýynsha, búgin saǵat 10:58-de Qostanaı oblysynyń Amangeldi aýylynda Ermaǵambetov kóshesindegi eki páterden turatyn turǵyn úıden órt shyqqan.
«Ol úıde alty múshesi bar kópbalaly otbasy turyp jatqan: tórt jas bala men olardyń 1983 jáne 1994 jylǵy ata-anasy, balalardyń úlkeni – 8 jasta. Órt sóndirýshiler jetkenshe, kórshiler tórt balany syrtqa shyǵarǵan, oqıǵa kezinde olardyń ata-anasy jumysta bolǵan. 11:07-de Amangeldi ortalyq aýdandyq aýrýhanasynyń mamandary 2016, 2019 jáne 2020 jyly týǵan balalardyń ólimin tirkedi», - dep túsindirdi departamentten.
Qutqarýshylar órtti 11:32-de aýyzdyqtady, 11:44-te órt tolyǵymen sóndirildi.
«Órttiń sebebin anyqtaý úshin Amangeldi aýdanyna Tótenshe jaǵdaılar departamentiniń Órt sóndirý zertteý synaq zerthanasynyń mamandary jiberildi», - dep qorytty departamentten.
Avtory: Janna Musabaeva
