Qostanaı oblysynda órtte bir adam mert boldy, taǵy bireýi aýrýhanaǵa jetkizildi
ASTANA. 9 maýsym. QazAqparat - 8 maýsym kúni túnde Qostanaı oblysynyń Qarasý aýdanyndaǵy Oktıabrskıı kentinde jekemenshik turǵyn úıde órt boldy.
Órttiń taralýy jarty saǵatta toqtatyldy, taǵy eki saǵattan keıin ol tolyǵymen aýyzdyqtaldy. Onymen kúreske QR TJM Qostanaı oblysy boıynsha TJD órtke qarsy qyzmetiniń 3 adamy men 1 tehnıkasy jumyldyryldy.
Jalyn 37 sharshy metrdi sharpydy. Oqıǵa ornynda 63 jastaǵy er adamnyń múrdesi tabyldy. Oqıǵa ornynan túrli dárejedegi kúıik jaraqattarmen 65 jastaǵy er adam aýrýhanaǵa jetkizildi.
